Ilbieraħ filgħaxija ħidma mill-Iskwadra ta’ Kontra d-Droga wasslet għall-arrest ta’ seba’ persuni fil-lokalita’ tal-Gżira u tal-Belt Valletta. Ħamest irġiel u mara, li l-etajiet tagħhom tvarja bejn it-28 u s-47 sena, ġew arrestati minn appartament fil-Gżira wara li nstabu fil-pussess ta’ madwar 70 gramma tad-droga suspettata eroina, kokaina u crack li kienet lesta biex tiġi traffikata.
Wara investigazzjonijiet ulterjuri illi saru, ġie arrestat ukoll, mill-inħawi tal-Waterfront fil-Belt Valletta, ġuvni ta’ 23 sena minn San Pawl il-Baħar wara li dan instab fil-pussess tad-droga suspettata kokaina.
L-investigazzjonijiet tal-Pulizija għadhom għaddejjin.
