Seba’ żgħażagħ se jiġu ordnati djakni mill-Arċisqof Charles J. Scicluna nhar it-Tnejn 26 ta’ Ġunju 2017, fil-Kon-Katidral ta’ San Ġwann, il-Belt Valletta, fis-6:30 p.m. Is-seba’ żgħażagħ li ser jiġu ordnati djakni, żewġ seminaristi djoċesani u ħames studenti reliġjużi, huma:
- Rev. Alan Joseph Adami tal-Ordni tal-Predikaturi,
- Rev. Jethro Bajada tal-Ordni ta-Aħwa Minuri Kapuċċini,
- Rev. Anton D’Amato mill-Parroċċa ta’ Santa Katerina Verġni u Martri, iż-Żurrieq,
- Rev. Bernard Micallef mill-Parroċċa ta’ Marija Annunzjata, Ħal Tarxien,
- Rev. Kenneth Micallef, Salesjan ta’ Dun Bosco,
- Rev. Kurt Mizzi tal-Ordni Karmelitan, u
- Rev. Elmar Pace tal-Ordni tal-Aħwa Minuri Kapuċċini.
Kulħadd hu mistieden biex jattendi għaċ-ċelebrazzjoni tal-ordinazzjoni.
