Seba’ persuni se jidhru quddiem ġurija ta’ kontra t-terroriżmu b’rabta mal-każ tal-qtil ta’ għalliem Franċiż minħabba li kien wera karikaturi meqjusa kontroversjali tal-profeta Mohammed lill-istudenti tiegħu.
L-allegat qattiel tiegħu, li għandu 18-il sena, inqatel mill-Pulizija ftit tal-ħin wara r-reat.
Skont rapporti fil-midja internazzjonali, żewġ persuni taħt it-18-il sena u ġenitur, li allegatament kienu f’kuntatt mal-allegat qattiel, huma fost dawk li se jaffaċċjaw il-ġustizzja b’rabta mal-każ.
