Sena wara oħra, il-moda li l-ġenituri jsibu isem aktar eċċentriku minn ieħor biex isemmu lit-tarbija tagħhom dejjem qed tiżdied. Filwaqt li hemm diversi ma jaqblux mal-fatt li tarbija tingħata isem oriġinali, hemm oħrajn li x-xewqa tagħhom hi li l-wild tagħhom ikollu isem li verament jixraqlu u li bħalu ma ssib imkien.
Il-kreattività hi xi ħaġa sabiħa iżda xi kultant taf tieħu xeħta kontroversjali meta l-pubbliku ma jaqbilx mad-deċiżjoni li ġenitur jieħu li se tħalli impatt fuq il-ħajja ta’ ibnu jew bintu.
Sit barrani rrapporta lista ta’ ismijiet li jaħsbu li għas-sena 2017 se jkunu ismijiet popolari. Filwaqt li bosta minnhom mhux l-ewwel darba li smajna bihom żgur mhumiex ismijiet komuni li wieħed isib Malta bħal pereżempju John, Maria jew Joseph.
L-ismijiet għas-sena 2017 huma Quincy, Remi, Winter, Ellis, Briar, Indigo, Sage, Sasha u Ray. Ismijiet li forsi m’humiex daqstant kontroversjali u li forsi jafu jkunu ta’ għajnuna biex tagħżel l-isem tat-tarbija li jmiss.
