Il-festi tal-Milied u l-Ewwel tas-Sena se jġibu temp xemxi għall-Gżejjer Maltin. Dan ikkonfermah l-Uffiċċju Metereoloġiku ta’ Malta fi stqarrija, fejn bassar jiem sbieħ sa qabel tmiem il-ġimgħa li ġej.
It-temperatura mistennija tlaħħaq id-19°C dakinhar tal-Milied, li mistenni jkun il-biċċa l-kbira xemxi, u l-għada tinżel għal 11°C.
Fi tmiem il-ġimgħa t-temperatura mistennija terġa’ tinżel u se jkollna temp pjuttost imsaħħab, b’ċans ta’ xita l-għada tal-Milied.
