Mil-lum sa nhar il-Ħadd li ġej, f’Dar il-Mediterran għall-Konferenzi se jsir avveniment speċjali biex titfakkar it-80 sena mill-ġrajja storika ta’ D-Day.
F’din l-attivita se jsiru wirjiet li juru l-wirt militari għani ta’ pajjiżna minn diversi gruppi li jfakkru ġrajjiet passati fis-Sacra Infermeria, kif ukoll żewġ kunċerti fis-Sala Repubblika.
Bħala parti minn dan l-avveniment kommemorattiv, l-MCC flimkien mal-Banda tal-Forzi Armati mmexxija mill-Maġġur Mro. Jonathan Borg u l-Banda tal-Korp tal-Pulizija mmexxija mill-Mro. Anthony Cassar se jtellgħu żewġ kunċerti. Dawn il-kunċerti se joffru ġieħ mużikali li jfakkar is-sinifikat storiku ta’ D-Day u jonoraw il-qlubija u s-sagrifiċċju ta’ dawk li kienu involuti.
Il-wirja se tkun miftuħa ġewwa s-Sacra Infermeria minn nhar il-Ġimgħa 26 ta’ Lulju mis-7:30pm sad-9:30pm, is-Sibt 27 ta’ Lulju mid-9:30am sad-9:30pm, u l-Ħadd 28 ta’ Lulju mid-9:30am sas-2:00pm.
Il-biljetti għall-wirja jistgħu jinxtraw mill-bieb. Il-biljett għal kunċerti jinkludi dħul b’xejn għall-wirja.
Għal aktar informazzjoni u għall-biljetti, wieħed jista’ jżur dawn is-siti:
https://www.showshappening.com/mcc/DDAY-80TH-ANNIVERSARY-COMMEMORATION–DAY-1 u https://www.showshappening.com/mcc/DDAY-80TH-ANNIVERSARY-COMMEMORATION–DAY-2.
