Qalulu li mnieħru se jiswied u jaqagħlu minn ma’ wiċċu, jekk jagħmel aktar operazzjonijiet kożmetċi. Dan huwa Rodrigo Alves ta’ 33 sena mill-Brazil, li minkejja din it-twissija ċara, xejn ma waqqfu milli jattendi festi f’Las Vegas.
Alves irid ikun l-aqwa partner għal Barbie, mhux fil-fantaxjenza imma fil-verità. Jixtieq jopera mnieħru mill-ġdid għax qed jinsisti li ma jistax jieħu nifs sew, riżultat ta’ tliet operazzjonijiet kożmetiċi preċedenti. Madakollu, dawn l-interventi waħda f’waħda qed iwasslu biex tant hemm ħsara f’imnieħru, li jista’ jmut jekk jipprova jmissu aktar.
Quddiem aħbar bħal din, ftit kien hemm x’jagħmel aktar, ħlief li jilbes tuxedo ħamra, joħroġ ix-xampanja u jkompli bl-istil ta’ ħajja ‘roller coaster’.
