Is-santwarju tal-qtates abbandunati, Carers for Stray and Abbandoned Felines (CSAF), qed jagħmel appell għall-għajnuna biex fil-jum tal-Milied jitimgħu ikla tajba lil 300 qattus abbandunat f’dan is-santwarju.
L-istess santwarju spjega kif qed jagħmlu talba biex min jista’ jagħti d-donazzjoni tiegħu biex fil-Milied ikunu jistgħu jitimgħu sider tat-tiġieġ jew biċċiet tat-tiġieġ lil dawn il-qtates abbandunati.
Spjegaw kif dawn il-qtates sfortunatament m’għandhomx familja tħobbhom, m’għandhomx ikel speċjali jew xi heater biex iżommu sħan ħdejha u għalekk telgħu bl-idea li jagħmlulhom ikla speċjali għall-jum tal-Milied.
Is-santwarju kiteb kif jifhmu li mhux kulħadd jista’ jmur is-santwarju u jagħti sider tat-tiġieġ bħala donazzjoni u għalekk qed jagħmlu talba wkoll biex min ma jistax jagħti ikel bħala donazzjoni, jista’ jagħti donazzjoni fi flus li minnhom ikunu jistgħu jixtru t-tiġieġ.
Kull min irid jagħti donazzjoni jista’ billi jibgħat messaġġ fuq:
50619243 għal donazzjoni ta’ € 11.65
50618069 għal donazzjoni ta’ € 4.66
50617353 għal donazzjoni ta’ € 2.33
