Alex Satariano huwa plejer ta’ Sliema Wanderers FC hekk kif iffirma kuntratt permanenti mal-klabb.
Satariano kienu misluf lill-istess Sliema Wanderers FC mingħand St. Andrews F.C. matul l-istaġun li għadda iżda issa ntlaħaq ftehim bejn iż-żewġ partijiet sabiex il-plejer jiġi trasferit b’mod permanenti.
Satariano, minkejja li għad għandu biss 18-il sena, kien plejer regolari fit-tim ta’ Sliema Wanderers matul l-istaġun li għadda fejn lagħab xejn anqas minn 17-il darba bil-flok Slimiż. Apparti minn hekk Satariano huwa plejer regolari fit-timijiet nazzjonali Maltin fejn lagħab fl-aħħar żewġ partiti tat-tim nazzjonali Malti ta’ taħt il-21 sena.
