Sas-2 ta’ waranofsinhar ivvutaw kważi 60% ta’ dawk eliġibbli li jivvutaw fil-votazzjoni bikrija

Fi stqarrija, l-Kummissjoni Elettorali qalet kif kważi sittin fil-mija tal-votanti reġistrati sabiex jivvutaw kmieni, tefgħu l-vot tagħhom sas-sagħtejn ta’ waranofsinhar.

Dan ifisser li mid-9,477 votanti rreġistrati, ivvutaw 5,671 votant.

Illum, kull min irreġistra sabiex jivvota kmieni, jista’ jagħmel dan sal-10 ta’ filgħaxija.

Wara l-10, dawn il-voti se jkunu qed jittieħdu fiċ-ċentru tal-għadd tal-voti fin-Naxxar, sabiex dawn jingħaddu l-ġimgħa d-dieħla.