Santa Lucia kisbu rebħa minima ta’ 1-0 fuq Naxxar Lions, b’din tkun it-tielet telfa konsekuttiva għal-Lions.
Kienu Santa Lucia li ħolqu l-ewwel periklu wara 10 minuti meta Daniel Letherby ittanta xortih permezz ta’ xutt minn barra l-kaxxa li ġie salvat bi bravura mill-goalkeeper żagħżugħ ta’ Naxxar Lions, Matthias Debono.
Naxxar wieġbu żewġ minuti biss wara permezz ta’ xutt mid-distanza ta’ Edson Cerqueira Farias li ntemm għoli.
Il-Luċjani wieġbu fit-42 minuta permezz ta’ xutt insidjuż minn tarf il-kaxxa ta’ Fabian Santiago Moracci li iżda ntemm għoli.
Santa Lucia fetħu l-iskor fis-66 minuta permezz ta’ freekcik dirett mill-isbaħ ta’ Evandro Pinto Gomes li ma ta l-ebda ċans lil Matthias Debono, bil-ballun jintemm fir-rokna tax-xibka.
Il-partita kompliet ikkaratterizzata minn ħafna logħob f’nofs il-ground, bil-Luċjani jkomplu jamministraw il-vantaġġ minimu li kellhom sa tmiem il-partita.
Referee: Philip Farrugia
BOV Plejer stal-Logħba: Evandro Pinto Gomes (Santa Lucia)
