Bernie Sanders ħeġġeġ id-demokratiċi biex ipoġġu lil Hillary Clinton fil-White House. Sanders irċieva ‘standing ovation’ ta’ tliet minuti meta tkellem f’ Philadelphia.
Fid-diskors tiegħu, sostna li Hillary Clinton għandha tkun il-President il-ġdid tal-Istati Uniti. Uħud minn dawk li jappoġġjawh, kellhom ħalqhom magħluq bil-kliem ‘imsikkta’ miktub fuqhom u oħrajn saħansitra infexxew jibku.
Sanders qal li filwaqt li Donald Trump mhedi jinsulta grupp wara ieħor, Hillary Clinton tifhem li d-diversitá hija waħda mill-akbar saħħiet. Żied jappella biex il-poplu jsib mument biex jaħseb dwar l-Imħallfin tal-Qorti Suprema li jinnomina Donald Trump u xi jkun ifisser dan għal-libertajiet ċivili, d-drittijiet ugwali u fuq kollox għall-futur tal-pajjiż.
