Uffiċjal ta’ Transport Malta salva fjammingu f’Għawdex wara li l-Birdlife għamlet rapport lill-pulizija li dan kien f’nofs ta’ baħar.Ikkuntattjat minn one.com.mt, Twanny Caruana, li salva l-fjammingu, saħaq li dan ma kienx jidher ferut, iżda hu u xi kollegi tiegħu ħarġu fil-port tal-Imġarr, Għawdex għalih biex isalvawh.
“Jidher li kien xi ftit għajjien,u allura l-Birdlife kienu inkwetati li forsi jiġrilu xi ħaġa. Aħna ħriġna għalih mill-ewwel bid-dgħajsa u tajnih lilhom biex jieħdu ħsiebu huma”.
Il-fjammingu bħalissa qed jinżamm mal-uffiċjali tal-Birdlife.
Iktar kmieni tul il-jum, il-Ministru għal Għawdex Justyne Caruana kienet fost l-ewwel li laqgħatu fil-gżira Għawdxija bħala turist mhux tas-soltu!
