L-għodwa tas-Sette Giugno sebħet ġurnata b’temp mill-isbaħ. Grupp ta’ madwar 50 sajjied mill-Għaqda Hooked on Fish erħewlha lejn ix-xatt ta’ Tas-Sliema, biex iqattgħu il-ħin jistadu f’kompetizzjoni tas-sajd, li kellha l-għan ewlieni tagħha li tiġbor fondi b’risq il-Moviment Hospice.
Din hija t-tieni edizzjoni ta’din il-kompetizzjoni tas-sajd li kienet miftuħa għal kulħadd. Wieħed seta jistad biex u kif irid, l-importanti li ma jintużawx snanar illegali bħal kulpara. Minħabba li din il-kompetizzjoni ittelgħet bil-ħsieb ta’ Catch and Release, kull sajjied parteċipant intalab juża il-barrada, sabiex il-ħut li jinqabad jibqa’ ħaj.
https://youtu.be/F1QkhQhHDC4
