Chris Said qal li nies qrib Adrian Delia qalulu biex jieqaf mit-tellieqa għall-Kap u jara x’kariga jrid fil-Partit Nazzjonalista.
Iżda, Chris Said qal li m’għandux ħsieb jagħmel dan għax din mhux biss kontestazzjoni għall-Kap. “Din mhux dwar promozzjoni ta’ individwi,” kiteb Said fuq facebook li qal li appell simili għamilulu Frak Portelli li ħeġġu jkun Viċi-Kap.
“Din hi dwar il-Partit Nazzjonalista u r-relevanza tiegħu fis-soċjetà,” insista Chris Said li qal li għalkemm Adrian Delia u l-partitarji tiegħu bdew jiċċelebraw l-elezzjoni għadha mhix mirbuħa u mitlufa. “Għandi obbligu niġġieled għal kull vot,” kiteb Said.
