It-team nazzjonali malti tar-Rugby Union illum wara nofs-in nhar ikun fl-azzjoni f’logħba oħra kompetittiva mir-Rugby Europe Conference kontra l-Iżrael.
Il-logħba se tintlagħab fit-Tony Bezzina Stadium Kordin u tibda fis-sagħtejn ta’ wara nofs-in nhar.
REKLAM
SKROLLJA BIEX TKOMPLI
Malta qed tilgħab f’Pool D u dik tal-lum se tkun it-tielet logħba. Il-maltin rebħu l-ewwel żewġ logħbiet tagħhom. F’Ottubru li għadda bdew b’rebħa f’Kordin kontra Ċipru bl-iskor ta’ 42-21, filwaqt li ftit wara għelbu lil Andorra barra minn xtutna bi skor ta’ 10-3.
Grazzi għal dawn iż-żewġ rebħiet Malta tinsab fl-ewwel post tal-grupp.
It-team malti se jerġa jkun immexxi mill-kowċ Keith Hopkins.
