It-team nazzjonali malti tar-Rugby League illejla jkun fl-azzjoni f’logħba ta’ ħbiberija kontra l-Montenegro fis-7.00pm fiċ-Charles Abela Stadium fil-Mosta.
Minkejja li mhiex logħba kompetittiva se tkun tinkludi punti tar-rankings. Apparti dan iż-żewġ timijiet se jkunu qed jilgħabu għall-‘Medieval Shield’.
REKLAM
SKROLLJA BIEX TKOMPLI
Filwaqt li Malta attwalment tokkupa l-15-il post tar-rankings internazzjonali minn 60 team, għal Montenegro dik tal-lejla se tkun l-ewwel logħba uffiċjali fl-Istorja.
It-team malti se jkun immexxi mill-coach Roderick Attard Huwa sejjaħ skwadra ta’ 19-il plejer, li ħdax minnhom jilagħbu barra l-pajjiż. Dik tal-lejla se tkun ukoll l-ewwel logħba internazzjonali għal Malta mill-2018 ‘l hawn u wara l-waqfa twila minħabba l-pandemija.
