Il-plejer ta’ Valletta u tat-tim nazzjonali Malti, Roderick Briffa, rebaħ l-unur ta’ plejer tas-sena f’serata mill-isbaħ organizzata mill-Malta Football Association.
B’hekk Briffa u l-partitarji Beltin temmew b’unur ieħor staġun mill-aqwa li rahom jerġgħu jispiċċaw fuq nett tal-futbol Malti. Din hija t-tieni darba li Briffa rebaħ dan l-iktar unur prestiġjuż fuq bażi individwali fil-futbol Malti. Briffa, prodott ta’ Birkirkara, għandu 34 sena u fl-aħħar snin stabilixxa postu fil-qalb tal-partitarji Beltin u bħala kolonna fit-tim. Punt ta’ referenza għaċ-champions Maltin.
