Roderick Briffa mistenni li jirritorna jilgħab mat-tim ta’ Birkirkara F.C. hekk kif jidher li ntlaħħaq ftehim mat-tmexxija tal-klub Karkariz. Huwa mifhum li l-midfielder veteran xtaq li jtemm il-karriera tiegħu mar-raħal twelidu u kien għalhekk li ddeċieda li ma jkomplix jilgħab ma’ Gżira United F.C.
Mill-informazzjoni li għandu ONE Sports, wara li jtemm il-karriera tiegħu Briffa ser jingħata rwol importanti fin-nursery tal-istess klub.
