L-artist ta’ fama mondjali, Robbie Williams, se jkun qed iżur lil Malta għal kunċert fl-24 ta’ Awwissu.
Dan bħala parti mit-tour tiegħu li qed jagħmel bħalissa li matulu qed jiċċelebra l-25 anniversarju minn meta beda l-karriera tiegħu bħala solista.
Il-kunċert se jkun qed jittella’ fuq il-Fosos tal-Furjana bil-biljetti se jkunu għall-bejgħ minn nhar it-Tnejn li ġej.
Fi stqarrija, l-organizzaturi tal-kunċert, greatt u l-NNG Promotions, qalu kif dan se jkun ċans mill-isbaħ biex il-Maltin u l-Għawdxin igawdu minn kunċert mill-isbaħ tal-artist Robbie Williams.
Robbie Williams hu magħruf sew madwar id-dinja b’mod partikolari għall-mużika tiegħu fosthom il-kanzunetti Feel, Angels, Let Me Entertain You, She’s The One fost bosta oħrajn.
Il-Ministru għat-Turiżmu, Clayton Bartolo, qal kif din hija opportunità oħra fejn Malta qed titpoġġa fuq il-mappa hekk kif kunċerti bħal dawn jiġbdu l-attenzjoni ta’ bosta aktar turisti.
Il-biljetti se jibdew jinbiegħu mit-Tnejn 23 ta’ Jannar min-nofsisnhar ‘il quddiem fuq il-website ShowsHappening – Easy Online Tickets for events in Malta
