Il-Presepju Malti li s-sena li għaddiet kien fiċ-ċentru tal-attenzjoni fi Pjazza San Pietru fil-Vatikan, issa qiegħed metri ’l bogħod minn fejn seħħet il-ġrajja elfejn sena ilu f’Bethlehem.
Ftit jiem qabel il-Milied, kif jidher fir-ritratti li kiseb ONE NEWS, il-presepju jinsab armat lest f’Betlehem, presepju li qed ipaxxi l-għajnejn bit-talent Malti.
Il-presepju Malti se jiġi inawgurat wara quddiesa mmexxija mill-Arċisqof Emeritus Pawlu Cremona. Preżenti għall-inawgurazzjoni hemm il-Ministru għall-Kultura Owen Bonnici u s-Segretarju Parlamentari Deo Debattista u s-Sindku ta’ Betlem Anton Salmon flimkien mar-rappreżentant Maltin fil-Palestina Reuben Gauci.
Ix-xogħol fuqu sar minn idejn l-artist Għawdxi Manwel Grech, li ltqajna miegħu fil-garaxx tiegħu f’Għawdex li minjaf kemm qatta’ sigħat jaħdem fuqu:
