Ftit tal-ġimgħat ilu, il-President tal-Istati Uniti Donald Trump, kien qal li se jkollu ħafna aktar nies minn qatt qabel jattendu għall-inawgurazzjoni tiegħu. Minkejja t-twissija li dan ma kienx se jkun il-każ, il-President kien kiteb “Il-Jum tal-Inawgurazzjoni se jkun akbar minn qatt qabel. Ħudu gost!”
Fl-2009 Barack Obama kellu rekord ta’ 1.8 miljun persuna li attendew għall-Jum tal-Inawgurazzjoni, fejn Trump kien qal li se jkun qed jaqbeż dan in-numru. Iżda minn ritratti li ttieħdu waqt iż-żewġ okkazzjonijiet, ma jurux dak li qal li se jiġri Trump.
Fir-ritratt meħud fl-2009 juri kif lanqas labra ma kienet toqgħod fost il-folla li attendiet, filwaqt fir-ritratt meħud ilbieraħ, wieħed seta’ jara ammont konsidorevoli ta’ spazju vojt. Filwaqt li kien mistenni li jattendu madwar 900,000 persuna, ġie estimat li attendew 400,000.
