L-Awtorità tal-Mediċini intgħazlet sabiex tmexxi spezzjonijiet internazzjonali dwar “Good Manufacturing Practice”.
Dan ir-rikonoxximent għal spezzjonijiet internazzjonali ġie miksub wara li l-Awtorità tal-Mediċini, kienet awditjata minn numru ta’ esperti Ewropej, kif ukoll mill- Food and Drug Administration tal-Istat Uniti.
Rikonoxximent li jikkonferma kemm l-Unjoni Ewropea u l-Istat Uniti għandhom fiduċja fil-proċessi tal-Awtorità tal-Mediċini, liema Awtorità taħdem għall-benefiċċju tal-pazjent.
Id-Direttur tal-ispettorat tal-Awtorità tal-Mediċini Mario Cilia spjega xi jfisser dan ir-rikonoxximent fejn qal li dan hu kisba kbira għal pajjiżna dan hekk kif hu inqas ħela ta’ riżorsi u spejjeż għax l-industrija tagħna ma jkolliex għalfejn tiġi spezzjonata.
Is-segretarju parlamentari għall-affarijiet tal-konsumatur Deo Debattista faħħar lill-awtorita tal-mediċini għal dan ir-rikonoxximent.
Fisser kif dan huwa pass kbir ‘il quddiem għal koperazzjoni aħjar bejn l-Istati Uniti u l-Unjoni Ewropea, biex intejbu l-użu tar-riżorsi u tiġi salvagwardjata il-kwalità tal-mediċini.
Is-Segretarju Parlamentari Deo Debattista qal li l-gvern se jibqa’ jappoġġja s-settur farmaċewtiku sabiex din l-industrija tkompli tkompli tkabbar l-operat tagħha.