Filwaqt li Bernard Grech issa huwa l-kandidat tal-fazzjoni ta’ Simon Busuttil, fost din il-fazzjoni kien hemm nuqqas ta’ qbil dwar iż-żiemel li kellhom jippreżentaw għat-tellieqa ma’ Delia.
Il-fazzjoni ta’ Simon Busuttil webblet direttament jew indirettament lill-membri tal-Kunsill Ġenerali Nazzjonalista li se jagħtuhom għażla bejn sett ta’ kandidati iżda finalment preżentaw biss lil Bernard Grech għal kontra Delia.
Minkejja dan, il-fazzjoni ta’ Busuttil kien maqsuma wkoll dwar il-kandidat li jkellu jintefa’ fl-arena kontra Delia.
Fost l-ismijiet l-oħra kien hemm Roberta Metsola u Therese Comodini Cachia, b’din tal-aħħar saritilha pressjoni qawwija biex ma toħroġx.
L-eks Kap Simon Busuttil ukoll ma kienx kuntent mal-ewwel bl-għażla ta’ Bernard Grech u l-Ħadd is-sieħba tiegħu, Kristina Chetcuti kitbet artiklu fuq is-Sunday Times.
Kristina Chetcuti, dawret l-artiklu li trid aktar nisa fit-tmexxija tal-Partit Nazzjonalista iżda mbagħad ma ddejqitx tikteb eloġju fuq Comodini Cachia u Metsola u li trid lil xi ħadd minnhom fit-tmexxija tal-Partit.
“Mhux qed ngħid li għandha tiġi eletta kwalunkwe mara. Qed nikteb hekk għax naf li l-Partit Nazzjonalista b’Metsola u Comodini Cachia għandu żewġ nisa kompetenti.”
Kitbet kif Comodini Cachia kitbet l-istorja meta fil-parlament ħadet pass kuraġġuż u sfidat lil Kap tal-Oppożizzjoni Adrian Delia.
Konxja li se tispiċċa fuq l-aħbarijiet, Kristina Chetcuti laqgħet għal u qalet li ONE News se jagħmel storja kif Simon Busuttil irid iwassal messaġġ billi juża lis-sieħba tiegħu.
Hawn hekk użat kliem is-sieħeb tagħha, Simon Busuttil li kien qal li fil-Partit Nazzjonalista ma jeżistux il-fazzjonijiet.
Meta kien mistoqsi: “Naħseb konxju li hemm l-fazzjoni ta’ Simon u Delia?”
Simon Busuttil wieġeb: “Ma teżistiex.”
Meta reġa’ kien mistoqsi: “Jiġifieri m’hemmx firda, qed tgħid?”
Simon Busuttil sostna: “Assolutament!”
