Riċerka ta’ student Malti tista’ tevita operazzjoni

• JIPPROPONI BIDLA FIL-MATERJAL GĦALL-HIP REPLACEMENT

Madwar miljun persuna fl-Ewropa jkollhom bżonn operazzjoni ta’ bidla tal-ġenbejn. Fil-fatt din hija operazzjoni komuni li ssir f’pajjiżna. Wieħed mill-kriterji kruċjali biex din l-operazzjonitkun waħda ta’ suċċess, hija li l-implants użati jkunu kompatibbli mal-ġisem uman. Dan biex mhux biss jitnaqqas ir-riskju ta’ infezzjoni iżda anke biex jiġu evitati kumplikazzjonijiet serji.

Il-gazzetta Kullħadd tkellmet ma’ student mill-Fakulta tal-Inġinerija ta’ Malta li fil-kors li segwa fl-istess Università f’livell ta’ Masters għamel studju biex janalizza materjal ġdid li għandu jwassal biex l-implants użati f’din l-operazzjoni jservu għal aktar snin milli jservu preżentament.

Antonino Mazzonello stqarr magħna li mill-istudju li għamel irriżulta li l-implants li jintużaw issoltu f’din l-operazzjoni huma magħmulin minn materjal li wara numru ta’ snin jibda jiddegrada. Meta l-implant jiddegrada dan jista’ jwassal biex il-pazjent ikollu infezzjoni li f’dan il-każ tikkawża wġigħ kbir. Jekk l-implant jiddegrada, il-pazjent ma jkollux għażla ħlief li jerġa’ jagħmel operazzjoni oħra biex l-implant jerġa’ jinbidel.

Kien għalhekk li fl-istudju tiegħu Antonino identifika materjal ġdid f’forma ta’ coatings li jista’ jintuża f’dawn l-operazzjonijiet biex il-pazjent ma jkollux għalfejn jgħaddi minn operazzjoni oħra fi ftit snin. Il-materjal huwa magħmul miċ-ċeramika,  u huwa materjal iebes ħafna li jwassal biex l-implant ikun aktar reżistenti biex jiġġieled kontra l-korrużjoni li sseħħ fil-ġisem uman. L-istudju jissuġġerixxi li dawn it-tip ta’ coatings idumu inqas biex jiddegradaw. Dan iwassal biex fil-ġisem uman jintilef ferm anqas materjal minn kemm qed jintilef mill-implants li qed jintużaw fil-preżent.

Tajjeb li wieħed jinnota li l-istudju juri wkoll li dawn it-tip ta’ coatings għandhom dak li jissejjaħ friction baxx. F’termini sempliċi dan ifisser li meta l-pazjent ikun għamel l-operazzjonital-hip replacement, jibqa’ jimxi b’mod normali u mingħajr uġigħ, u jkun jista’ jkompli jagħmel ukoll attività fiżika.

Għaldaqstant, Antonino jemmen li fis-snin li ġejjin dawn it-tip ta’ coatings ġodda jistgħu jiġu implimentati fil-kliniċi sabiexikunu jistgħu jintużaw fuq hip implants. Iżda dan ikun jista’ jsirladarba dawn it-tip ta’ coatings ikunu jistgħu jitpoġġew fuq hip replacement implant. Dan se jkun possibbli grazzi għal magna li qed tinbena fl-Università ta’ Malta. Din il-magna se tkun qedtagħmel simulazzjoni tal-implants użati f’din l-operazzjoni bieximbagħad studenti bħal Antonino li jkunu għamlu studju dwar l-implants użati, ikunu jistgħu jipprovaw dak li sabu tul l-istudji tagħhom fuq din is-simulazzjoni biex ikunu jistgħu jistudjaw l-imġiba ta’ dan il-materjal fuq l-implant innifsu.

Dan l-istudju, Antonino setgħa jagħmlu grazzi għal-borża ta’ studju Endeavour li hi parzjalment iffinanzjata mill-UnjoniEwropea. Huwa stqarr li kieku ma kienx għal dawn il-fondi l-istudju tiegħu ma kienx ikun possibbli. Huwa temm jgħid li issase jkun qed ikompli jistudja f’livell ta’ PHD bl-għan li jkomplifuq din ir-riċerka li għandha l-għan li l-operazzjonijiet tal-hip replacement ikunu ta’ aktar suċċess.