Erbat itfal ittieħdu l-isptar f’qagħda kritika wara li ġew salvati minn lag qrib Birmingham. Aktarx li waqgħu fl-ilma wara li kienu qed jilagħbu fuq is-silġ f’Babbs Mill Park, Kingshurst.
It-tfal kienu f’arrest kardijaku meta ġew salvati, iżda s’issa m’hemmx aktar informazzjoni dwar il-kundizzjoni tagħhom, hekk kif jinsabu rikoverati f’żewġ sptarijiet f’Birmingham.
L-eżerċizzju ta’ salvataġġ tant kien delikat li uffiċjal minnhom sofra minn ipotermja waqt li kien qed jaħdem, iżda qed jirkupra wara li ttieħed l-isptar.
Il-Met Office wissa dwar ir-riskji tas-silġ hekk kif ir-Renju Unit qed jiffaċċja perijodu kiesaħ. Fil-ħin tal-inċident kienet irrappurtata temperatura ta’ 1 °C, li niżlet għal -3°C matul il-lejl. Skont it-tbassir, ir-Renju Unit mistenni jkompli jesperjenza borra, is-silġ u ċ-ċpar fil-jiem li ġejjin.
