Fl-elezzjonijiet ta’ nofs it-terminu Presidenzjali tal-Istati Uniti f’Novembru li ġej se jikkontestaw iktar nisa minn qatt qabel. Dawn l-elezzjonijiet se jiddeterminaw ir-rappreżentanza ta’ kull Stat Amerikan fis-senat.
L-elezzjonijiet preliminari se jsiru nhar it-tlieta li ġej, u għall-ewwel darba fl-Istorja, 11-il mara jinsabu fit-tellieqa għall-irwol ta’ gvernatur, filwaqt li 173 mara tefgħu in-nomina tagħhom għal post fis-Senat.
Dawn in-numri qed jitqiesu bħala storja ta’ suċċess għas-sehem tan-nisa fil-politika Amerikana.
