Il-Pulizija Taljana arrestat sittax-il persuna fi Sqallija b’rabta ma’ ċirku kbir ta’ traffikar tad-droga, liema parti mid-droga kienet mistennija li tasal f’Malta.
Kmieni dalgħodu, il-pulizija Taljana wettqet l-operazzjoni bl-isem ta’ ‘La Vallette’ f’Katanja, f’Ragusa, f’Sirakuża, f’Kalabrija.
REKLAM
SKROLLJA BIEX TKOMPLI
Ġie rappurtat ukoll li saru xi arresti f’Malta iżda f’dan l-istadju l-Pulizija Maltija ma kkonfermatx u talbitna nibagħtu l-mistoqsijiet tagħna.
Sa issa ONE News qed jistenna t-tweġibiet għad-domandi li għadna kif bagħtna.
F’din ir-rejd kbir ħadu sehem mal-mitt uffiċjal u nqabdet mal-423 kilogramma droga.
Skont il-midja Taljana fost l-arrestati hemm Taljani, Albaniżi u Maltin.
