Għar-Regatta tal-Vitorja 2024 il-klabb tal-Isla jinsab armat sew fil-kategoriji kollha, b’mod speċjali f’kategorija A. Hawnhekk is-sengleani se jkunu fost l-isfidanti ewlenin għar-rebħ tax-shield fejn ikkonfermaw il-crews li kellhom f’Marzu li għadda bl-eċċezjoni ta’ xi bidliet żgħar. L-Isla se jagħmlu minn kollox sabiex ma jħallux lill-ġirien Bormla jilħquwhom f’dak li hu rebħ tax-shield tal-Vitorja, dan hekk kif l-Isla rebħu x-shield għal 23 darba mentri Bormla rebħu din ix-shield għal 22 darba.
F’kategorija A, fit-tiġrija Ta’ bi Tnejn l-Isla kisbu s-servizz tal-qaddiefa Matthew Micallef u Charvon Gatt. F’Tal-Midalji Glenn Żammit jingħaqad ma’ Andre Gauci, Russell Buġeja u Devison Micallef. Fil-Kajjikk se jaqdfu Rusell Buġeja flimkien ma’ Davison Micallef. Konfermati l-crews tal-Frejgatina u Ta’ b’Erbgħa.
Il-qaddiefa tal-klabb tal-Isla f’Kategorija A huma dawn:
Tal-Midalji: Andre Gauci, Russell Bugeja, Davison Micallef u Glenn Żammit.
Frejgatini: Davison Micallef & Clyde Mizzi.
Ta’ bi Tnejn: Matthew Micallef u Charvon Gatt.
Kajjiki: Davison Micallef & Russell Buġeja.
Ta’ b’Erbgħa: Glenn Zammit, Russell Buġeja, Andre Gauci u Redeemer Rapa.
F’kategorija B il-klabb senglean se jkun qed jiffoka fuq il-qaddiefa żgħażagħ fejn saħansitra se jkun qed jiddebutta qaddief ta’ 13-il sena Yarik Agius. Kategorija li se tara qaddiefa li f’Lulju li għadda rebħu r-Regatta U18.
Dawn huma l-qaddiefa kollha f’kategorija B:
Ta’ bi Tnejn: Bjorn Caruana u Clayton Azzopardi.
Kajjiki: Yarik Agius u Ericsen Lia.
Tal-Midalji: Carlos Abela, Janniel Camilleri, Axel Degiorgio u Glenn Brincat.
Frejgatini: Axel Degiorgio u Glenn Brincat (Tmunier Zeyan Brincat).
Ta’ b’Erbgħa: Jerome Żammit, Ainsley Bonello, Bjorn Caruana u Lincoln Falzon.
L-Isla se jieħdu sehem ukoll fit-tiġrija tan-Nisa permezz tal-qaddiefa Kenzey Abela u Jade Cachia.
Ir-Regatta tal-Vitorja se ssir nhar il-Ħadd 8 ta’ Settembru fil-Port il-Kbir. L-ewwel tiġrija tibda’ fin-12.30 ta’ wara nofs-in nhar.
Matthew Micallef u Charvon Gatt
Qaddiefa u partitarji jifirħu bis-suċċess fir-Regatta U18 ta’ din is-sena
Il-qaddief ta’ 13-il sena Yarik Agius
