Għal sena oħra Bormla se jkunu fost l-isfidanti ewlenin għar-Regatta tal-Vitorja. Huma se jkunu armati sew fiż-żewġ kategorji u l-mira prinċipali hija r-rebħ tax-shields. Il-klabb bormliż se jkun qed jimmira wkoll li jpatti għad-diżappunt tar-Regatta tal-Ħelsien ta’ Marzu li għadda meta f’Kategorija A, minn ħames tiġrijiet rebaħ biss waħda u b’hekk falla mir-rebħ tax-shield.
F’Kategorija A Bormla wettqu tibdiliet fil-crew ta’ qaddiefa għat-tiġrija tal-Frejgatini hekk kif huma se jkunu qed jikkompetu bil-qaddiefa Elton Azzopardi u George Frendo.
Bidla wkoll fil-crew Tal-Midalji hekk kif ma’ Dennis Thornton u Clive Casha se jingħaqdu Romario Brignone u Maximillian Mamo.
Fit-tliet tiġrijiet l-oħra ta’ Kategorija A ġew konfermati l-crews kollha.
Ta’ nota li f’Ta’ bi Tnejn nerġgħu insibu lill-qaddiefa veterani Dennis Thornton u Clive Casha. Żewġ qaddiefa li f’dawn l-aħħar snin raw dominju assolut f’din it-tiġrija.
Intant dawn huma l-qaddiefa kollha ta’ Bormla f’Kategorija A:
Tal-Midalji: Dennis Thornton, Clive Casha, Romario Brignone, Maximillian Mamo.
Frejgatini: Elton Azzopardi & George Frendo.
Ta’ bi Tnejn: Dennis Thornton & Clive Casha.
Kajjiki: Romario Brignone & Maximillina Mamo.
Ta’ b’Erbgħa: Maximillian Mamo, Clive Casha, Dennis Thornton, Jurgen Camilleri.
Il-klabb bormliż wettaq tibdil kbir f’Kategorija B. L-uniku crew konfermat minn Marzu huwa dak Ta’ bi Tnejn fejn se jirritornaw il-qaddiefa Clevin Falzon u Charvon Gatt.
F’Tal-Midalji jiritornaw Cleavin Falzon u Charvon Gatt u magħhom se jieħdu sehem għall-ewwel darba f’din it-tiġrija il-qaddiefa Mattia Calleja u Denzel Thornton.
Crew ġdid ukoll fil-Frejgatina bil-qaddiefa issa se jkunu Mattia Calleja u Mel Magro.
Inbidel ukoll il-crew tal-Kajjik fejn se jkunu qed jikkompetu Mel Magro u Damian Attard.
Mibdul ukoll il-crew f’Ta’ b’Erbgħa fejn il-klabb bormliż se jikkompeti permezz tal-qaddiefa Mel Magro, Charvon Gatt, Cleavin Falzon u Damian Attard.
Bormla se jieħdu sehem ukoll fit-tiġrija tan-Nisa permezz ta’ Nadine Vella u Rachel Gialanze.
Ir-Regatta tal-Vitorja se ssir nhar il-Ġimgħa 8 ta’ Settembru fil-Port il-Kbir. L-ewwel tiġrija tibda fin-12:30.
Kategorija A: Tal-Midalji
Kategorija A: Frejgatina
Kategorija A: Ta’ bi Tnejn
Kategorija A: Kajjik
Kategorija A: T’ b’Erbgħa
Kategorija B: Tal-Midalji
Kategorija B: Frejgatina
Kategorija B: Ta’ bi Tnejn
Kategorija B: Kajjik
Kategorija B: Ta’ b’Erbgħa
Kategorija tan-Nisa
