Il-klabb ta’ Birżebbuġa se jikkompeti fir-Regatta tal-Vitorja ta’ din is-sena bl-attenzjoni prinċipali tkun mixħuta fuq Kategorija B. F’din il-kategorija se jkunu armati fit-tiġrijiet kollha u l-għan prinċipali hu li jirbħu wkoll xi paljijiet.
F’Kategorija A Birżebbuġa se jieħdu sehem biss fl-opri ż-żgħar. Il-qaddiefa li se jikkompetu f’Kategorija A ġejjin minn klabbs oħra.
Fit-tiġrija tal-Frejgatini se jieħdu sehem Dion Caruana u Christian De Giovanni, it-tnejn ġejjin mill-klabb tal-Birgu.
Fil-Kajjikk se jaqdfu Ismael Darmanin li ġej mill-klabb tal-Birgu flimkien ma’ Kayden Aquilina mill-klabb ta’ Bormla.
F’Kategorija B Birżebbuġa se jikkompetu b’bosta qaddiefa li ġew ikkonfermati mir-Regatta ta’ Marzu flimkien ma’ oħrajn li ingħaqdu ġodda.
Il-qaddiefa ta’ Kategorija B huma dawn:
Tal-Midalji: Brolin Genovese, Kensley Ciantar, Spiridione D’Amato u Denilson Long, b’dan tal-aħħar li ingħaqad mill-klabb tal-Isla.
Frejgatini: Brolin Genovese u Nickolas Paris, b’dan tal-aħħar li ingħaqad mill-klabb ta’ Bormla.
Ta’ bi Tnejn: Eman Borġ u Manuel Magro.
Kajjikki: Kensley Ciantar u Spiridione D’Amato.
Ta’ b’Erbgħa: Eman Borġ u Manuel Magro flimkien maż-żewġ akkwisti ġodda Gino Viacava u Ronaldo Grima li ġew akkwistati mill-klabbs ta’ Marsamxett u l-Isla rispettivament.
Birżebbuġa se jkunu qed jikkompetu wkoll fit-tiġrija tan-Nisa permezz tal-qaddiefa Kenzie Kim Abela u Jade Cachia.
Ir-Regatta tal-Vitorja se ssir nhar il-Ġimgħa 8 ta’ Settembru fil-Port il-Kbir. L-ewwel tiġrija tibda fin-12:30.
Kayden Aquilina u Ismael Darmanin (Kajjik Kategorija A)
Denilson Long (Tal-Midalji Kategorija B)
Il-crew T’ b’Erbgħa (Kat B): Ronaldo Grima, Gino Viacava, Emman J Borg u Manuel Magro
L-akkwist ġdid Nickolas Paris
