Id-diska ‘New Day’ hija t-tielet single ta’ Red Electrick b’ Joe Roscoe bħala l-kantant tal-grupp. Din id-diska ħarġet fl-ewwel tas-sena u ntlaqgħet tajjeb ħafna. L-istess ġara għas-singles ‘Right Here’ u ‘Gorgeous’ u r-Red Electrick ma jistgħux ikunu kuntenti aktar minn hekk.
Din id-diska titratta dwar sitwazzjoni li ħafna nies jistgħu jirrelataw magħha, jiġifieri bidu ġdid. Huma ddeċidew li joħorġu din is-single f’jum l-ewwel tas-sena minħabba li ħafna nies jużaw din id-data bħala opportunità ta’ bidla. Id-diska spirat lill-eqreb ħbieb ta’ Joe minħabba li kien għaddej minn żmien ħażin.
L-2019 se tkun sena oħra mimlija daqs bajda għar-Red Electrick. Peter Borg li huwa l-kitarrist qal, li huma jinsabu kuntenti ħafna u eċitati għal sena oħra ta’ mużika, kunċerti u proġetti innovattivi. “It-tir tagħna huwa li noħorġu l-barra minn dak li nipproduċu s-soltu u dejjem naraw kif se nagħtu gost lin-nies li jkunu qed isegwuna”.
Ir-Red Electrick qed jaħdmu fuq ir-raba’ album tagħhom li ħiereġ aktar tard din is-sena.
