Maltco Lotteries ħabbru li numru ta’ premijiet, fosthom li ntrebħu fi Frar li għadda, għadhom ma ġewx miġbura. Maltco ħeġġet lil min għandu biljetti rebbieħa biex imur bil-biljett oriġinali malajr kemm jista’ jkun.
L-aktar urġenti huma żewġ biljett tas-Super 5 li telgħu nhar it-22 ta’ Frar u li ħadd ma mar għalihom…dawn għandhom valur ta’ €6418.52.
Jekk wieħed minn dawn il-biljetti tiegħek, għandek żmien sal-24 ta’ April biex tiġbor il-flus. Il-biljetti nxtraw mill-Msida u l-Mqabba.
Hemm ukoll biljett tal-Quick Keni li nxtara mill-Msida, u li minkejja li ntrebaħ, ħadd ma mar għall-flus.
Flus li ma nġabrux imorru għall-Fond tal-Kawżi Ġusti.
