Fl-ewwel partita tal-Ħadd fic-Centenary Stadium Gzira United irritornaw lura għar-rebħ u kisbu l-punti massimi f’rebħa ta’ 3-0 kontra Mosta.
Kienu t-tim ta’ Mosta li ħolqu l-ewwel azzjoni fil-partita meta wara biss ħames minuti kellhom freekick ta’ Nathan Agius li sab lill-Gustavo Adolfo Chara li bir-ras naqas milli jitfa’ l-ballun fix-xibka. Ir-risposta ta’ Gzira waslet ħames minuti wara meta Thiago Espindola De Paula kellu freekick angolat li kien salvat mill-goalkeeper Akpan.
Il-maroons komplew fuq l-attakk meta appena għaddew kwarta logħob corner ta’ Thiago Espindola lejn Ewertton Silva li min naħa tiegħu krossja iżda l-goalkeeper Mosti n-newtralizza l-periklu. L-intenzzjonijiet ta’ Gzira kienu ċari ħafna u fil-22 minuta kien Thiago Espindola bil-corner tiegħu li jintemm għand Ewertton Silva li ra’ d-daqqa ta’ ras tmur ftit għoli.
Fl-34 minuta komplew Gzira United meta kien Ewertton Silva li prova kross li sab lill- Farid Zuniga Romero li kellhu d-daqqa ta’ ras tiegħu tkun salvata mill-goalkeepeer Akpan.
Mosta wiegbu sitt minuti wara meta kien Kevin Tulimieri li kellhu freekick imblukkat mill-barriera biex mir-rebound kien Nathan Agius li kellhu l-konkluzzjoni tiegħu tispicca għoli.
Minuti fuq il-ħin regolamentari fl-ewwel taqsima u Gzira United fetħu l-iskor meta Ewertton Silva b’pass perfett sab lil Lucas Riberio de Oliveria li b’xutt b’saħħtu ma’ ta’ ebda ċans lill-goalkeeper Akpan sabiex isalva.
Żewg minuti mil-ftuħ tat-tieni taqsima u Gzira kabbru l-iskor meta għal darboħra kien corner qasir bejn Thiago Espindola u Ewertton Silva, b’dan tal-aħħar krossja u Gabriel Boher Menz b’daqqa ta’ ras b’saħħita għeleb lill-Akpan u għamel l-skor 2 – 0.
Kwarta mit-tmiem u l-Maroons għamlu l-iskor 3 – 0 meta mill-ġdid reġa kien Ewertton Silva li għadda ballun lejn Thiago Espindola li min naħa tiegħu krossja fil-baxx, sab lill Thaylor Aldama li b’xutt angolat tefa’ l-ballun fix-xikba u għamel ċert mit-tlett punti.
Fil-78 minuta waslet ir-reazzjoni ta’ Mosta meta wara taħwida fil-kaxxa ta’ Gzira United l-ballun finalment spiċċa għand Jean Paul Farrugia li ra’ xutt tiegħu jintemm ftit barra. Minn hawn l-quddiem t-tim ta’ Gzira kompla jamministra l-kumplament tal-partita biex meritatament ħadu t-tlett punti.
Referee : Trustin Farrugia Cann.
BOV Plejer tal-logħba: Thaylor Aldama (GZR)
