Tim Malta se jkun irrappreżentat fil-MBC f’Pariġi f’April minn Abela u Caruana Scicluna, flimkien ma’ Mauro Anastasi u Sara Xuereb, li t-tnejn spiċċaw it-tieni fil-kwalifiki rispettivi tal-irġiel u tan-nisa.
Il-kompetizzjoni tal-irġiel kienet waħda kkontestata sewwa matul 3 ijiem u 24 logħba missielta sal-aħħar. Mark Spiteri mar fil-ewwel fil-vantaġġ, madankollu Caruana Scicluna u Anastasi fetħu vantaġġ fit-2 jum, biż-żewġ plejers iwasslu prestazzjonijiet mill-aqwa logħba wara logħba.
Fl-aħħar Caruana Scicluna għeleb lil Anastasi b’differenza ferm żgħira ta’ 5 pins (5205-5200), it-tnejn b’medja kbira ta’ 216. Fit-tielet post spiċċa Philip Gruppetta, filwaqt li Nicholas Muscat ta ‘ 15-il sena kellu prestazzjoni oħra eċċellenti biex spiċċa r-raba’ mit-22 raġel b’medja ta’ 208.
Abela u Xuereb iddominaw il-kwalifiki tan-nisa, b’Abela toħroġ rebbieħa b’medja ta’ 207 kontra l-medja ta’ 204 ta’ Xuereb. Ta’ min isemmi li l-istess Abela u Xuereb kienu rebħu l-midalja tad-deheb fid-doubles fl-edizzjoni tal-MBC ta’ 2019. Melissa Swift spiċċat fit-tielet post wara fl-aħħar ġurnata għelbet lil Cynthia Frendo Duca b’5 pins, b’medja ta’ 195.
L-aħħar edizzjoni tal-kampjonati saru f’April li għadda, meta t-tim Malti ġab rekord ta’ 10 midalji, b’parteċipazzjoni rekord ta’ 16-il pajjiż. Il-President tal-MTBA Paul Baldacchino ddikjara li t-tim ta’ Malta se jgħaddi minn tħejjija intensiva għall-edizzjoni li jmiss.
