Hekk kif ilbieraħ ġie ssiġġilat il-ftehim li se jkun qed iwassal għal żieda ta’ €8 fil-paga minima sal-2019, l-imsieħba soċjali kellhom reazzjonijiet pożittivi.
Fosthom il-Kumitat Reġjonali għal Għawdex li laqa’ b’sodisfazzjoni il-ftehim maqbul bejn il-Imsieħba Soċjali kollha fi ħdan il-Kunsill Malti għall-iżvilupp ekonomiku u soċjali (MCESD), il-Gvern u l-Oppożizzjoni dwar il-paga minima nazzjonali.
Il-Kumitat Reġjonali għal Għawdex elenka li dan huwa pass importanti ‘l quddiem u li l-Kumitat Reġjonali għal Għawdex se jkompli bil-ħidma tiegħu biex l-iżvilupp ekonomika tal-Gżira Għawdxija jibqa’ miexi b’ritmu li jikkompara ma’ dak li qed jinkiseb fil-Gżira ta’ Malta.
