Gene Simmons, tal-grupp mużikali KISS, innota li fil-Karnival Malti hemm karru li jirrappreżantah, u r-reazzjoni tiegħu kienet Tweet pożittiva, bil-kliem ‘really cool’.
Segwit minn miljun ‘follower’ fuq Twitter, Simmons kiteb l-apprezzament tiegħu fuq il-pjattaforma soċjali, akkumpanjat minn filmat. Fl-isfond jinstema xi ħadd jispjega bil-Malti li din hija biss prova, qabel jibda l-Karnival propja.
Malta, near Italy: The 2023 Carnival Parade. Really cool. pic.twitter.com/dZAVM5SNxf
— Gene Simmons (@genesimmons) February 13, 2023
Imwieled fil-25 ta’ Awwissu tal-1949, Simmons huwa mużiċist Iżraeljan-Amerikan, magħruf mill-personaġġ tal-palk tiegħu the Demon. Huwa l-bassist, kantant u ko-mexxej ta’ KISS, il-grupp ‘hard rock’ li waqqaf flimkien ma’ Paul Stanley, Ace Frehley u Peter Criss fil-bidu tas-sebgħinijiet.
Il-Karnival f’Malta jibda għada, u tista’ tara l-programm sħiħ billi żżur is-sit ta’ Festivals Malta.
