Bosta rapporti kunfliġġenti rrapportaw dwar Mino Raiola hekk kif bosta kmamar tal-aħbarijiet irrapportaw li miet.
Kienet il-kamra tal-aħbarijiet Taljana, ANSA, li ħarġet rapport fl-aħħar ħin dwar kif l-aġent tal-futbol Taljan, li għandu 54 sena, għadu ħaj u jiġġieled kontra l-mewt fl-isptar San Raffaele.
Il-Professur, Alberto Zangrillo, li jaħdem fl-isptar San Raffaele, kkummenta dwar kif Mino jinsab fi stat ħażin ta’ saħħa iżda għadu qed jikkumbatti.
Spjega kif kienu bosta ġurnalisti li bdew iċemplu u jispekolaw dwar il-ħajja ta’ Mino u jekk dan mietx, b’bosta kmamar tal-aħbarijiet saħansitra rrapportaw li dan ħalla din id-dinja.
Mino jinsab rikonverat l-isptar wara intervent delikat kawża ta’ problemi fil-pulmun.
