Randolph Debattista rriżenja minn Deputat Parlamentari f’isem il-Gvern, hekk kif issa se jibda jassumi l-irwol ta’ Rappreżentant Permanenti għall-Ġnus Magħquda, residenti f’Ġinevra.
Debattista kien ġie co-opted fil-Kamra tar-Rappreżentanti fil-bidu ta’ din il-leġiżlatura, biex b’hekk serva għal kważi tliet snin fil-Parlament Malti.
REKLAM
SKROLLJA BIEX TKOMPLI
Huwa kien ukoll il-Kap Eżekuttiv tal-Partit Laburista, kariga li serva fiha għal total ta’ ħames snin.
Ir-riżenja tiegħu nqrat mill-Ispeaker tal-Kamra Anġlu Farrugia fil-bidu tas-seduta Parlamentari tat-Tnejn wara nofsinhar. L-ewwel waħda wara l-waqfien tal-btajjel tal-Milied.
Wara, iż-żewġ Whips irringrazzjaw lil Debattista għall-ħidma tiegħu u awguralu għall-irwol ġdid.
