Fuq il-Fosos tal-Furjana għaddejjin ġmielhom il-preparamenti għat-tielet Rally Team Malta ta’ nhar il-Ħadd li ġej. Rally li se jkun qed isir fuq il-Fosos taħt tinda kbira.
Matul il-jum tal-Ġimgħa kien qed isir l-armar ta’ din it-tinda massiċċa.
“Se tkun qed tintrama l-akbar tinda f’Kampanja Elettorali biex tilqa’ eluf ta’ persuni li se jkunu qed jingħaqdu magħna biex isegwu d-diskors tal-Prim Ministru.”
Bħal f’kull rally ieħor organizzat b’responsabilità, se jkun hemm spettaklu qabel l-indirizz tal-Prim Ministru.
“L-attività tibda għas-sagħtejn ta’ wara nofsinhar għandna line-up ta’ DJs interessanti, imbagħad fit-15:00 jibdew il-band versiattile li se jkomplu jżidu l-ispettaklu. Imbagħad għal ħabda tal-15:45 jibdew id-diskors li jintlaħaq il-qofol bid-diskors tal-Prim Ministru Robert Abela.”
Għal din l-attività l-Kumitati Lokali tal-Partit Laburista se jkunu qed jorganizzaw it-trasport minn kull lokalità.
Kull min hu interessat biex jingħaqad għar-Rally Team Malta nhar il-Ħadd li ġej jista’ jidħol fuq robertabela.mt u jibbukja post.
