Raġel u mara ġew arrestati in konnessjoni ma’ drones li ttajru fl-ajruport ta’ Gatwick. Dan kollu affettwa lil għexieren ta’ eluf ta’ nies u mijiet ta’ titjiriet li kienu skedati minn u lejn l-istess mitjar.
Il-pulizija ta’ Sussex qalet li l-mara u r-raġel ġew arrestati l-Ġimgħa filgħaxija għall-ħabta tal-għaxra ħin Ingliż.
Uffiċjali tal-ajruport qalu li minkejja jista’ jagħti l-każ li l-mitjar jiftaħ tul il-jum tas-Sibt, il-passiġġieri huma mħeġġa sabiex l-ewwel jaraw l-istat tat-titjira tagħhom qabel ma jirrikorru lejn l-istess ajruport.
