“Għażiż missieri, ma nistax nesprimi bil-kliem dak li qed inħoss bħalissa”

Fil-ħin tal-inċident, Brian li jgħix fi Triq l-Etna, kien qiegħed jagħmel xi xogħol fuq bejt ta’ residenza. Il-każ seħħ għall-ħabta tas-sebgħa u għaxra ta’ filgħaxija.

Għalkemm fuq il-post issejħet ambulanza, ġie ċċertifikat mejjet fuq il-post.

Permezz ta’ Facebook bosta Melleħin u nies qrib Brian, li kien jsejħulu ‘ċ-Ċumpaqq’ bil-laqam tal-familja, esprimew kondoljanzi. Kien hemm min saħansitra rrimarka li kien kellmu sa ftit tal-ħin qabel ġara l-inċident.