Raġel ta’ 57 miż-Żurrieq arrestat b’rabta ma’ sejba ta’ droga

Investigazzjonijiet intensivi wasslu għal sejba ta’ madwar 2kg droga suspettata kokaina u 10kg droga suspettata kannabis.

Fi stqarrija l-Pulizija qalte li d-droga nstabet waqt tfittxijiet li saru f’residenza fiż-Żurrieq filwaqt li nstabu wkoll madwar €16,000 fi flus kontanti. B’rabta ma’ din is-sejba ġie arrestat raġel ta’ 57 sena.

Huwa qed jinżamm fil-lockup tal-Pulizija fil-Kwartieri Ġenerali, il-Floriana, filwaqt li mistenni jitressaq il-Qorti għall-ħabta tal-għaxra u nofs ta’ dalgħodu quddiem il-Maġistrat tal-Għassa Dr Caroline Farrugia Frendo.