Raġel ta’ 51 sena jsofri ġrieħi gravi wara li waqa’ għoli ta’ madwar sular f’sit ta’ kostruzzjoni

Raġel ta’ 51 sena minn Birkirkara sofra ġrieħi gravi wara waqa’ minn għoli f’sit ta’ kostruzzjoni.

Il-każ seħħ għall-ħabta tas-14:30 ta’ waranofsinhar fi Triq it-Tabib J. Zammit f’Ħal Balzan.

Minn stħarriġ preliminari rriżulta li r-raġel kien waqa’ għoli ta’ madwar sular waqt li kienu qed isiru xi xogħlijiet.

Fuq il-post issejjaħ tim mediku u ambulanza li ħadet lir-raġel l-isptar Mater Dei fejn aktar tard ġie ċċertifikat li qed isofri minn ġrieħi gravi.

L-investigazzjonijiet mill-Pulizija tad-Distrett għadhom għaddejjin.