Jeanne Borg ingħatat tnax-il elf u ħames mitt ewro f’kumpens tas-servizzi li tat f’ħanut tal-eks sieħeb tagħha Christian Zammit.
Wara li ma baqgħux flimkien, il-mara talbet li titħallas tal-ħidma tagħha li tat fl-aħħar tlett snin, b’Zammit jirrifjuta dan.
Borg qalet li kienet tmur il-ħanut fis-sitta w nofs ta’ filgħodu, titlaq siegħa w nofs wara biex taħdem f’ħanut viċin, u wara nofsinhar terġa lura fil-ħanut tal-eks sieħeb tagħha sal-għaxra ta’ filgħaxija.
Kienu diversi xhieda li qalu li l-mara kienet tgħin regolarment fil-ħanut b’mod attiv.
