Raġel mejjet u sitta neqsin f’għarqa ta’ jott

Raġel tilef ħajtu u sitt persuni oħrajn ġew irrapportati neqsin wara li għereq jott qrib il-kosta ta’ Sqallija fis-sigħat bikrin tat-Tnejn filgħodu. 

Rapporti fil-midja internazzjonali qalu li fuq il-jott ta’ 183 pied u li kien itajjar il-bandiera marittima Ingliża kien hemm 22 persuna, b’għaxar membri tal-ekwipaġġ u 12-il passiġġier, b’uħud Amerikani jew Kanadiżi. 

Is-servizzi tal-Emerġenza, li wieġbu għas-sejħa tal-Kaptan li informa lill-gwardja kostali, salvaw 15-il persuna, fosthom tarbija ta’ sena. 

Skont l-istess rapporti, il-jott għereq wara li kien involut f’maltempata li kkawżat tromba tal-arja fuq il-baħar.