Raġel ittieħed l-isptar Mater Dei wara li qala’ daqqiet ta’ sikkina f’Birkirkara.
Il-każ seħħ illejla ftit qabel it-tmienja, fl-inħawi tal-Wied ta’ Birkirkara.
Immedjatament fuq il-post marru l-pulizija flimkien ma’ tim mediku.
Hemmhekk sabu lir-raġel mixħut mal-art f’għadira demm fejn nifhmu li qala’ daqqa ta’ sikkina f’sidru.
Xhieda fuq il-post qalu ma’ ONE News li fuq il-post kien hemm żewġ ambulanzi.
Il-kundizzjoni tal-vittma għadha mhux magħrufa filwaqt li l-pulizija għaddejja bi tfittxija għall-allegat aggressur li ħarab minn fuq il-post.
