Spanjol ta’ 55 sena ndarab gravi wara li tard is-Sibt filgħaxija ttajjar minn karozza fi Triq Sant’Anna fil-Furjana.
L-inċident seħħ għall-ħabta tad-disgħa neqsin għaxra ta’ filgħaxija, meta r-raġel ittajjar minn vettura misjuqa minn anzjan ta’ wieħed u sebgħin sena mill-Mellieħa, waqt li kien qed jaqsam it-triq ħdejn Bieb il-Bombi.
Fuq il-post issejħet ambulanza li ħadet lill-vittma l-Isptar Mater Dei, fejn aktar tard ġie ċċertifikat li qed isofri minn ġrieħi ta’ natura serja.
L-investigazzjonijiet tal-Pulizija għadhom għaddejjin.
