Raġel jitressaq il-Qorti fuq akkużi ta’ ħasil ta’ flus – aktarx marbuta ma’ skema frodulenti ta’ investiment

Indjan ta’ 34 sena li jgħix il-Marsa, wieġeb mhux ħati għal akkużi ta’ ħasil ta’ flus.

Quddiem il-Maġistrat Victor Axiak, l-imputat tressaq il-Qorti akkużat b’ħasil ta’ flus u li żamm għandu proprjetà misruqa.

Għalkemm ma ħarġux dettalji fis-seduta tal-lum, huwa mifhum li l-akkużi huma marbuta ma’ skema frodulenti ta’ investiment.

L-akkużat ilu jgħix Malta tmien xhur, u anki l-mara tiegħu u oħtu jgħixu f’pajjiżna.

Huwa nħeles mill-arrest fuq depożitu ta’ ħamest elef ewro u garanzija personali ta’ għoxrin elf ewro, flimkien mal-kundizzjoni li jiffirma fl-għassa darbtejn f’ġimgħa.