Abdinur Shucayb Mohammed ta’ erbgħa u tletin sena mis-Somalja baqa’ jinżamm arrestat wara li ċaħad li importa aktar minn mitt kilogramma droga.
Il-pakkett nqabad fl-ajruport is-Sibt minn uffiċjali tad-Dwana li kienu għaddejjin bi spezzjonijiet.
Id-Difiża appellat għall-ħelsien mill-arrest hekk kif ġie spjegat kif din is-sustanza partikolari hija stimulant. Apparti minn hekk, l-imputat għandu żewġ ristoranti u b’hekk għandu rbit mal-komunità.
Huwa ma ngħatax il-ħelsien mill-arrest u l-Qorti ordnat ukoll li jiġu friżati l-assi tal-imputat.
